ಜೀರಿಗೆ ಎಂದರೇನು..? ಔಷಧಿ ಗುಣಗಳು ಮತ್ತು ಆರೋಗ್ಯ ಉಪಯೋಗಗಳು,Jeera water, jeera health benefits
ಜೀರಿಗೆಯು ಭಾರತೀಯ ಅಡುಗೆ ಮನೆಯಲ್ಲಿ ಬಳಸುವ ಅತ್ಯಂತ ಪ್ರಮುಖವಾದ ಮಸಾಲೆ ಪದಾರ್ಥಗಳಲ್ಲಿ ಒಂದಾಗಿದೆ. ಇದು ತನ್ನದೇ ಆದ ವಿಶಿಷ್ಟ ಪರಿಮಳ, ಔಷಧೀಯ ಗುಣ ಮತ್ತು ಆರೋಗ್ಯ ಪ್ರಯೋಜನಗಳಿಂದಾಗಿ ಹೆಸರುವಾಸಿಯಾಗಿದೆ.
6/8/20261 min read
ಜೀರಿಗೆಯು ಭಾರತೀಯ ಅಡುಗೆ ಮನೆಯಲ್ಲಿ ಬಳಸುವ ಅತ್ಯಂತ ಪ್ರಮುಖವಾದ ಮಸಾಲೆ ಪದಾರ್ಥಗಳಲ್ಲಿ ಒಂದಾಗಿದೆ. ಇದು ತನ್ನದೇ ಆದ ವಿಶಿಷ್ಟ ಪರಿಮಳ, ಔಷಧೀಯ ಗುಣ ಮತ್ತು ಆರೋಗ್ಯ ಪ್ರಯೋಜನಗಳಿಂದಾಗಿ ಹೆಸರುವಾಸಿಯಾಗಿದೆ.ಮನುಷ್ಯ ಬಳಸತೊಡಗಿದ ಅತ್ಯಂತ ಹಳೆಯ ಮಸಾಲೆ ವಸ್ತುಗಳಲ್ಲಿ ಜೀರಿಗೆಯು ಒಂದು ಉರಿದ ಜೀರಿಗೆಯು ಜೀರ್ಣಶಕ್ತಿಯನ್ನು ಹೆಚ್ಚಿಸುವುದು ಮತ್ತು ಹೊಟ್ಟೆಯ ಸಮಸ್ಯೆಗಳನ್ನು ನಿವಾರಿಸುವುದು ಅತ್ಯಂತ ಪ್ರಾಚೀನ ಕಾಲದಿಂದಲೂ ಮನುಷ್ಯರಿಗೆ ತಿಳಿದಿತ್ತು.ಪ್ರಾಚೀನ ಗ್ರೀಸ್ ಮತ್ತು ರೋಮ್ ಗಳಲ್ಲಿ ಜನರಿಗೆ ಜೀರಿಗೆಯ ಪರಿಚಯವಿತ್ತು.
ಜೀರಿಗೆಯು ಅಪಿಎಸಿ ಕುಟುಂಬಕ್ಕೆ ಸೇರಿದ ಸಸ್ಯವಾಗಿದೆ. ಇದು ಸಣ್ಣದಾಗಿ, ಬೂದು ಬಣ್ಣ ಅಥವಾ ತಿಳಿ ಕಂದು ಬಣ್ಣದಲ್ಲಿರುತ್ತದೆ. ಇದನ್ನು ಒಗ್ಗರಣೆಗೆ ಬಳಸುವುದರಿಂದ ಆಹಾರದ ರುಚಿ ಮತ್ತು ಸುವಾಸನೆ ಹೆಚ್ಚಾಗುತ್ತದೆ. ಕೇವಲ ಅಡುಗೆಗೆ ಮಾತ್ರವಲ್ಲದೆ ಆಯುರ್ವೇದದಲ್ಲಿಯೂ ಜೀರಿಗೆಗೆ ಮಹತ್ವದ ಸ್ಥಾನವಿದೆ.
ಜೀರಿಗೆಯಲ್ಲಿ ಎರಡು ವಿಧ
1. ಬಿಳಿ ಜೀರಿಗೆ: ಇದರ ಸಸ್ಯ ವೈಜ್ಞಾನಿಕ ಹೆಸರು ಕಮಿನಂ ಸಿಮಿನಂ. ಈ ಬಿಳಿ ಜೀರಿಗೆಯು ಸಾಮಾನ್ಯವಾಗಿ ಅಡುಗೆಯಲ್ಲಿ ಬಳಸುವ ಸಣ್ಣಗಾತ್ರದ ಬಿಳಿಕಂದು ಬಣ್ಣದ ಜೀರಿಗೆ.
2. ಕರಿ ಜೀರಿಗೆ: ಇದರ ಸತ್ಯ ವೈಜ್ಞಾನಿಕ ಹೆಸರು ಕೆರಾಮ್ ಕರ್ವಿ. ಸಂಸ್ಕೃತದಲ್ಲಿ ಇದಕ್ಕೆ ಕೃಷಜೀರಕ ಎಂದು ಕರೆಯುತ್ತಾರೆ. ಆದರೆ ಆಹಾರದಲ್ಲಿ ಇದನ್ನು ಹೆಚ್ಚಾಗಿ ಬಳಸುವುದಿಲ್ಲ ಮತ್ತು ಔಷಧಗಳ ತಯಾರಿಕೆಯಲ್ಲಿ ಹೆಚ್ಚಾಗಿ ಉಪಯೋಗಿಸುತ್ತಾರೆ.
ಭಾರತದಲ್ಲಿ ಜೀರಿಗೆಗೆ ತೀವ್ರವಾದ ಬೇಡಿಕೆ ಇದ್ದರೂ ಸಹ ನಮ್ಮ ದೇಶದಿಂದ ಜೀರಿಗೆಯು ಶ್ರೀಲಂಕಾ, ಮಲೆಯ, ಪೂರ್ವ ಆಫ್ರಿಕಾ ಪೂರ್ವ ಆಫ್ರಿಕಾ ದೇಶಗಳಿಗೆ ರಫ್ತಾಗುತ್ತಿದೆ. ಮಧ್ಯ ಪ್ರದೇಶ ರಾಜ್ಯದ ಜಂಬಲ್ ಪುರ ಮತ್ತು ರತ್ನಂ, ರಾಜಸ್ಥಾನದ ಜೈಪುರ ಮತ್ತು ಗಂಗಾಪುರಗಳಲ್ಲಿ ಜೀರಿಗೆಯ ಕೇಂದ್ರೀಕೃತವಾಗಿದೆ.
ಜೀರಿಗೆ ಬೆಳೆಸುವ ಸ್ಥಳದಲ್ಲಿ ತೀರ ಹೆಚ್ಚು ಉಷ್ಣತೆ ಇರಬಾರದು.
ಜೀರಿಗೆ ಬೆಳೆಸಲು ಸಮೃದ್ಧವಾದ ಸಾವಯವ ಪದಾರ್ಥಗಳಿಂದ ಕೂಡಿರುವ ಗೋಡು ಮಣ್ಣು ಒಳ್ಳೆಯದು.
ಜೀರಿಗೆ ಬೀಜವನ್ನು ಮಣ್ಣಿಗೆ ಚೆಲ್ಲಬಹುದು ಅಥವಾ ಕೂರಿಗೆಯಲ್ಲಿ ಬಿತ್ತನೆ ಮಾಡಬಹುದು. ಅಥವಾ ಜೀರಿಗೆ ಗಾತ್ರ ಬಹಳ ಚಿಕ್ಕದಾಗಿರುವುದರಿಂದ ಬರೀ ಬೀಜವನ್ನ ಚೆಲ್ಲಿದರೆ ಒಂದೇ ಸಮನೆ ಹರಡಿ ಬೆಳೆಯುವುದಿಲ್ಲ ಆದ್ದರಿಂದ ಜೀರಿಗೆ ಪ್ರಮಾಣ5-6 ಪಟ್ಟು ಪುಡಿ ಗೊಬ್ಬರ ಜೊತೆ ಸೇರಿಸಿ ಅಥವಾ ಮರಳಿನೊಂದಿಗೆ ಸೇರಿಸಿ ಬಳಸಬಹುದು. ಜೀರಿಗೆಯನ್ನು ಬಿತ್ತನೆ ಮಾಡಿದ 3-4 ತಿಂಗಳಲ್ಲಿ ಕಾಳುಗಳು ಬೆಳೆಯುತ್ತವೆ ಅವು ಹಳದಿ ಬಣ್ಣಕ್ಕೆ ತಿರುಗಿದಾಗ ಕೊಯ್ಲು ಮಾಡಬೇಕು ಕೊಯ್ಲು ಮಾಡುವಾಗ ಗಿಡಗಳನ್ನು ಬುಡ ಮಟ್ಟದಲ್ಲಿ ಕತ್ತರಿಸಿ ಹೊರೆಗಳಾಗಿ ಕಟ್ಟಿ ಸಾಗಿಸಬೇಕು.
ಸರಿಯಾದ ರೀತಿಯಲ್ಲಿ ನಿರ್ವಹಣೆ ಮಾಡಿದರೆ ಒಂದು ಹೆಕ್ಟರ್ ಗೆ500-750 kg ಸಿಗುತ್ತದೆ.
ಜೀರಿಗೆಗೆ ತೀವ್ರವಾಗಿ ಪೀಡಿಸುವ ಕೀಟ ಬಾದೆಯಾಗಲಿ, ರೋಗಭಾದೆಯಾಗಲಿ ಇಲ್ಲ. ಅಡುಗೆ ಮನೆಯಲ್ಲಿ ಬಳಸುವ ಜೀರಿಗೆ ಕೇವಲ ಆಹಾರದ ರುಚಿಯನ್ನು ಹೆಚ್ಚಿಸುವುದಲ್ಲದೆ, ಅದ್ಭುತವಾದ ಆರೋಗ್ಯ ಪ್ರಯೋಜನಗಳನ್ನು ಹೊಂದಿದೆ. ಜೀರ್ಣ ಸುಧಾರಿಸುವುದು,ತೂಕ ಇಳಿಕೆ ಮತ್ತು ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುವುದರಲ್ಲಿ ಇದು ತುಂಬಾ ಪರಿಣಾಮಕಾರಿ.
ಜೀರಿಗೆ ಪ್ರಮುಖ ಆರೋಗ್ಯ ಉಪಯೋಗಗಳು.
1. ಉತ್ತಮ ಜೀರ್ಣಕ್ರಿಯೆ
ಜೀರಿಗೆಯಲ್ಲಿರುವ ಥೈಮೋಲ್ ಎಂಬ ಅಂಶವು ಜೀರ್ಣಕಾರಿ ರಸಗಳನ್ನು ಉತ್ತೇಜಿಸುತ್ತದೆ. ಇದು ಹೊಟ್ಟೆ ಉಬ್ಬರ, ಗ್ಯಾಸ್ ಮತ್ತು ಅಜೀರ್ಣದಂತಹ ಸಮಸ್ಯೆಗಳನ್ನು ನಿವಾರಿಸುತ್ತದೆ.
2. ತೂಕ ಇಳಿಕೆ
ಜೀರಿಗೆ ನೀರು ದೇಹದ ಚಯಾಪಚಯವನ್ನು ಹೆಚ್ಚಿಸಿ, ಕೊಬ್ಬನ್ನು ಕರಗಿಸಲು ಸಹಾಯಮಾಡುತ್ತದೆ.
3. ರೋಗನಿರೋಧಕ ಶಕ್ತಿ
ಇದರಲ್ಲಿರುವ ಆಂಟಿ ಆಕ್ಸಿಡೆಂಟ್ ಗಳು ದೇಹದಲ್ಲಿನ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಿ, ಸೋಂಕುಗಳ ವಿರುದ್ಧ ಹೋರಾಡಲು ಸಹಾಯ ಮಾಡುತ್ತವೆ.
4. ಮಧುಮೇಹ ನಿಯಂತ್ರಣ
ಜೀರಿಗೆಯು ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ನಿಯಂತ್ರಿಸಲು ಮತ್ತು ಇನ್ಸುಲಿನ್ ಸೂಕ್ಷ್ಮತೆಯನ್ನು ಸುಧಾರಿಸಲು ಸಹಾಯ ಮಾಡುತ್ತದೆ. ಇದು type2 ಮಧುಮೇಹವನ್ನು ನಿರ್ವಹಿಸಲು ಸಹಾಯ ಮಾಡುತ್ತದೆ.
5. ದೇಹದ ಉಷ್ಣತೆ ತಗ್ಗಿಸಲು
ಜೀರಿಗೆಯು ದೇಹಕ್ಕೆ ತಂಪನ್ನು ನೀಡುತ್ತದೆ. ಬೇಸಿಗೆಯಲ್ಲಿ ಜೀರಿಗೆ ನೀರು ಕುಡಿಯುವುದರಿಂದ ದೇಹದ ಉಷ್ಣತೆ ನಿಯಂತ್ರಣದಲ್ಲಿರುತ್ತದೆ.
6. ರಕ್ತ ಹೀನತೆ ನಿವಾರಣೆ
ಜೀರಿಗೆಯಲ್ಲಿ ಕಬ್ಬಿನಾಂಶ ಇರುವುದರಿಂದ, ಇದು ರಕ್ತ ಹೀನತೆಯ ಸಮಸ್ಯೆಯನ್ನು ತಡೆಗಟ್ಟಲು ಮತ್ತು ದೇಹದಲ್ಲಿ ಹಿಮೋಗ್ಲೋಬಿನ್ ಮಟ್ಟವನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ.
7. ಚರ್ಮದ ಆರೋಗ್ಯವನ್ನು ಸುಧಾರಿಸುತ್ತದೆ
ಜೀರಿಗೆಯಲ್ಲಿ ಉತ್ಕರ್ಷಣ ನಿರೋಧಕಗಳು ಇರುವುದರಿಂದ ನಿಮ್ಮ ಚರ್ಮವನ್ನು ಹಾನಿಯಿಂದ ರಕ್ಷಿಸುತ್ತದೆ. ಇದು ಮೊಡವೆ ಮತ್ತು ಇತರ ಚರ್ಮದ ಸಮಸ್ಯೆಗಳನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಜೀರಿಗೆ ನೀರನ್ನು ನಿಯಮಿತವಾಗಿ ಸೇವಿಸುವುದರಿಂದ ನಿಮಗೆ ಸ್ಪಷ್ಟ ಮತ್ತು ಹೊಳೆಯುವ ಚರ್ಮ ದೊರೆಯುತ್ತದೆ.
8. ಉರಿಯುತವನ್ನು ಕಡಿಮೆ ಮಾಡುತ್ತದೆ
ಜೀರಿಗೆ ನೈಸರ್ಗಿಕ ಉರಿಯುತ ನಿವಾರಕ ಗುಣಗಳನ್ನು ಹೊಂದಿದ್ದು, ದೇಹದಲ್ಲಿ ಊತ ಮತ್ತು ನೋವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಕೀಲು ನೋವು, ಸಂಧಿವಾದ ಅಥವಾ ಸ್ನಾಯು ನೋವಿನಿಂದ ಬಳಲುತ್ತಿರುವ ಜನರಿಗೆ ಇದು ವಿಶೇಷವಾಗಿ ಸಹಾಯಕವಾಗಿದೆ. ಜೀರಿಗೆ ನೀರನ್ನು ನಿಯಮಿತವಾಗಿ ಕುಡಿಯುವುದರಿಂದ ಆಂತರಿಕ ಉರಿಯುತವನ್ನು ಶಮನಗೊಳಿಸಲು ಸಹಾಯ ಮಾಡುತ್ತದೆ. ಇದರಿಂದಾಗಿ ನೀವು ಹೆಚ್ಚು ಆರಾಮದಾಯಕ ಮತ್ತು ಸುಲಭವಾಗಿ ಚಲಿಸಲು ಸಹಾಯ ಮಾಡುತ್ತದೆ.
9. ಕ್ಯಾನ್ಸರ್ ಅಪಾಯವನ್ನು ಕಡಿಮೆ ಮಾಡುತ್ತದೆ
ಜೀರಿಗೆ ನೀರು ದೇಹವನ್ನು ಕ್ಯಾನ್ಸರ್ ಇಂದ ರಕ್ಷಿಸುವ ಗುಣಗಳನ್ನು ಹೊಂದಿರಬಹುದು. ಇದು ಕೆಲವು ರೀತಿಯ ಕ್ಯಾನ್ಸರ್ ಬರುವ ಸಾಧ್ಯತೆಯನ್ನು ಕಡಿಮೆ ಮಾಡುತ್ತದೆ ಮತ್ತು ದೇಹದಲ್ಲಿ ಹರಡುವುದನ್ನು ತಡೆಯುತ್ತದೆ.
ಜೀರಿಗೆ ನೀರನ್ನು ತಯಾರಿಸುವ ವಿಧಾನ
1.1 ಟೀ ಸ್ಪೂನ್ ಜೀರಿಗೆ ತೆಗೆದುಕೊಳ್ಳಿ.
2. ಅದನ್ನು ಒಂದು ಗ್ಲಾಸ್ ನೀರಿಗೆ ಹಾಕಿ
3. ರಾತ್ರಿ ಇಡೀ ನೆನೆಯಲು ಬಿಡಿ
4. ಬೆಳಗ್ಗೆ, ಬೀಜಗಳನ್ನು ತೆಗೆದು ಹಾಕಲು ನೀರನ್ನು ಸೋಸಿ
5., ಈ ಜೀರಿಗೆ ನೀರನ್ನು ಖಾಲಿ ಹೊಟ್ಟೆಯಲ್ಲಿ ಕುಡಿಯಿರಿ
ಸಲಹೆ
ಜೀರಿಗೆ ನೀರಿನ ಸಂಪೂರ್ಣ ಪ್ರಯೋಜನಗಳನ್ನು ಪಡೆಯಲು ಪ್ರತಿನಿತ್ಯ ಈ ನೀರನ್ನು ಕುಡಿಯಿರಿ.
ಜೀರಿಗೆ ನೀರಿನ ಅಡ್ಡ ಪರಿಣಾಮಗಳು.
ಜೀರಿಗೆ ನೀರು ಸಾಮಾನ್ಯವಾಗಿ ಹೆಚ್ಚಿನ ಜನರಿಗೆ ಸುರಕ್ಷಿತವಾಗಿದ್ದರು, ಕೆಲವು ಅಡ್ಡ ಪರಿಣಾಮಗಳ ಬಗ್ಗೆ ತಿಳಿದಿರುವುದು ಅತ್ಯಗತ್ಯ. ಅತಿಯಾದ ಸೇವನೆಯು ಎದೆಯುರಿ, ಕಡಿಮೆ ರಕ್ತದಲ್ಲಿನ ಸಕ್ಕರೆ ಮಟ್ಟಗಳು ಮತ್ತು ಯಕೃತ್ತಿನ ಹಾನಿಯಂತಹ ಸಮಸ್ಯೆಗಳಿಗೆ ಕಾರಣವಾಗಬಹುದು. ಗರ್ಭಿಣಿ ಮತ್ತು ಹಾಲುಣಿಸುವ ಮಹಿಳೆಯರು ತಮ್ಮ ದಿನಾಚರಣೆಯಲ್ಲಿ ಜೀರಾ ನೀರನ್ನು ಸೇರಿಸಿಕೊಳ್ಳುವ ಮೊದಲು ತಮ್ಮ ಆರೋಗ್ಯ ಪೂರೈಕೆದಾರರನ್ನು ಸಂಪರ್ಕಿಸಬೇಕು.
1. ಎದೆಯುರಿ
ಜೀರಿಗೆ ನೀರನ್ನು ಹೆಚ್ಚಿನ ಪ್ರಮಾಣದಲ್ಲಿ ಸೇವಿಸುವುದರಿಂದ ಎದೆಯುರಿ ಉಂಟಾಗುತ್ತದೆ. ಜೀರಿಗೆಯಲ್ಲಿರುವ ಟೈಮು ಹೊಟ್ಟೆಯ ಒಳಪದರವನ್ನು ಕೆರಳಿಸಬಹುದು, ಇದರಿಂದಾಗಿ ಅಸ್ವಸ್ಥತೆ ಉಂಟಾಗುತ್ತದೆ. ಸಣ್ಣ ಪ್ರಮಾಣದಲ್ಲಿ ಪ್ರಾರಂಭಿಸಿ ಅಗತ್ಯವಿದ್ದರೆ ಕ್ರಮೇಣ ಸೇವನೆಯನ್ನು ಹೆಚ್ಚಿಸುವುದು ಉತ್ತಮ.
ಕಡಿಮೆ ರಕ್ತದ ಸಕ್ಕರೆ ಮಟ್ಟಗಳು.
ಜೀರಿಗೆಯು ರಕ್ತದಲ್ಲಿನ ಸಕ್ಕರೆಯನ್ನು ಕಡಿಮೆ ಮಾಡುವ ಗುಣಗಳನ್ನು ಹೊಂದಿದೆ, ಇದು ಮಧುಮೇಹ ಇರುವವರಿಗೆ ಪ್ರಯೋಜನಕಾರಿ, ಹೆಚ್ಚು ಜಿರ ನೀರನ್ನು ಸೇವಿಸುವುದರಿಂದ ರಕ್ತದಲ್ಲಿನ ಸಕ್ಕರೆ ಮಟ್ಟವು ಅಪಾಯಕಾರಿಯಾಗಿ ಕಡಿಮೆ ಆಗುವ ಸಂಭವವಿದೆ. ನಿಮ್ಮ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಮೇಲ್ವಿಚಾರಣೆ ಮಾಡುವುದು ಉತ್ತಮ.
ಯಕೃತ್ತಿನ ಹಾನಿ
ಜೀರಿಗೆ ನೀರನ್ನು ಅತಿಯಾಗಿ ಕುಡಿಯುವುದರಿಂದ ನಿಮ್ಮ ಯಕೃತ್ತಿಗೆ ಹಾನಿಯಾಗಬಹುದು, ಅದನ್ನು ಮಿತಿಯಾಗಿ ಸೇವಿಸುವುದು ಉತ್ತಮ. ನಿಮ್ಮ ದೇಹವು ಹೇಗೆ ಪ್ರತಿಕ್ರಿಯಿಸುತ್ತದೆ ಎಂಬುದನ್ನು ನೋಡಲು ಯಾವಾಗಲೂ ಸಣ್ಣ ಪ್ರಮಾಣದಲ್ಲಿ ಪ್ರಾರಂಭಿಸಿ. ನಿಮಗೆ ಯಕೃತ್ತಿನ ಸಮಸ್ಯೆಗಳಿದ್ದರೆ ನಿಯಮಿತವಾಗಿ ಬಳಸುವ ಮೊದಲು ನಿಮ್ಮ ವೈದ್ಯರೊಂದಿಗೆ ಚರ್ಚಿಸಿ.
ರಾತ್ರಿ ವೇಳೆಯಲ್ಲಿ ಜೀರಿಗೆ ನೀರನ್ನು ಸೇವಿಸುವುದರಿಂದ ಆಗುವ ಪ್ರಯೋಜನಗಳು
ಕೆಲವು ಕೆಲವು ಜನರು ರಾತ್ರಿಯ ವೇಳೆಯಲ್ಲಿ ಜೀರಿಗೆ ನೀರನ್ನು ಕುಡಿಯುವುದರಿಂದ ಆಗುವ ಪ್ರಯೋಜನಗಳನ್ನು ಬಯಸುತ್ತಾರೆ ಏಕೆಂದರೆ ಇದು ಜೀರ್ಣಕ್ರಿಯೆಯನ್ನು ಶಾಂತ ಗೊಳಿಸಲು ಮತ್ತು ಮಲಗುವ ಮುನ್ನ ದೇಹವನ್ನು ವಿಶ್ರಾಂತಿ ಮಾಡಲು ಸಹಾಯ ಮಾಡುತ್ತದೆ. ಇದು ರಾತ್ರಿ ಇಡಿ ನಿರ್ವಿಶೀಕರಣವನ್ನು ಸಹ ಬೆಂಬಲಿಸುತ್ತದೆ.
ಜೀರಿಗೆ ನೀರು ಸರಳ ಮತ್ತು ನೈಸರ್ಗಿಕ ಪಾನೀಯವಾಗಿದ್ದು ಇದು ಅನೇಕ ಆರೋಗ್ಯ ಪ್ರಯೋಜನಗಳನ್ನು ನೀಡುತ್ತದೆ. ಜೀರ್ಣಕ್ರಿಯೆಯನ್ನು ಸುಧಾರಿಸುವುದರಿಂದ ಹಿಡಿದು ಸ್ಪಷ್ಟವಾದ ಚರ್ಮ ಉತ್ತಮ ಛಾಯಾಪಚಯ ಕ್ರಿಯೆ ಮತ್ತು ತೂಕ ನಷ್ಟಕ್ಕೆ ಜೀರಿಗೆಯ ನೀರು ಸಹಾಯಕವಾಗಿದೆ. ಜೀರಿಗೆಯ ನೀರು ಬೆಳಿಗ್ಗೆ ಅಥವಾ ರಾತ್ರಿ ವೇಳೆ ಸೇವಿಸಿದರು ಉತ್ತಮ ಆರೋಗ್ಯಕ್ಕಾಗಿ ಯೋಗ್ಯವಾಗಿದೆ.